Франсия президенти Эммануэл Макрон НАТО саммити доирасида Туркияда бўлиб турибди. У бугун, 8-июль куни Анқарадаги тонгни югуриш машғулоти билан бошлади. Давлат раҳбари пойтахтдаги Сеğменлер боғида югуриш давомида маҳаллий аҳоли билан ҳам саломлашди. Маълум қилинишича, Макрон эрталаб хавфсизлик ходимлари ҳамроҳлигида Чанкая қароргоҳи атрофида югурган. Туркия ОАВлари тарқатган суратларда у оддий спорт кийимида машқ қилаётгани акс этган.

Суратларга кўра, Франсия президенти тўқ кўк рангдаги Ле Cоқ Спортиф спорт футболкасини кийган. Мазкур бренд Франсия миллий олимпия терма жамоасининг расмий ҳамкори ҳисобланади. Футболканинг чакана нархи моделига қараб 50–90 евро атрофида баҳоланади. Макроннинг оёғида эса ҲОКА брендига мансуб югуриш кроссовкаси бўлгани кўринади. Ушбу турдаги спорт поябзаллари халқаро бозорда одатда 150–190 евро нархда сотилади. Шунингдек, президент машғулот вақтида қуёш кўзойнаги таққан ва ГПС функсияли спорт соатидан фойдалангани кўринган.

Бироқ суратлардан унинг аниқ модели ёки брендини тасдиқлашнинг имкони бўлмаган. Эммануэл Макроннинг югуришга бўлган қизиқиши аввал ҳам жамоатчилик эътиборини тортган эди. Анқарадаги бу галги машғулот ҳам ижтимоий тармоқларда кенг муҳокама қилинмоқда. Айрим фойдаланувчилар унинг содда спорт услубини эътироф этган бўлса, бошқалар президентнинг кучайтирилган хавфсизлик остида шаҳар кўчаларида югурганига эътибор қаратган.