Гооглеънинг сунъий интеллектга асосланган Гемини сервиси ойлик фаол фойдаланувчилари сони бўйича 1 миллиардлик чегарадан ошди. Бу ҳақда Гоогле бош директори Сундар Пичаи 12-август куни маълум қилди.

Гемини 2023-йилда ишга туширилганидан буён фойдаланувчилар аудиториясини тез суръатларда кенгайтириб келмоқда. 2025-йил май ойида сервисдан ойига 400 миллион киши фойдаланган бўлса, 2026-йил майига келиб бу кўрсаткич 900 миллионга етган. Орадан кўп вақт ўтмай, Гемини яна 100 миллион фойдаланувчи қўшиб, 1 миллиардлик маррани забт этди.

Гоогле тарихидаги 14-маҳсулот

Гоогле маълумотларига кўра, Гемини компания тарихида ойига 1 миллиард фаол фойдаланувчига эга бўлган 14-маҳсулотга айланди.

Бундай натижага эга бошқа Гоогле маҳсулотлари қаторида Гоогле Сеарч, Гмаил, Дриве, Андроид, ЁуТубе ва Чроме каби машҳур сервислар бор.

Геминиънинг тез оммалашишида унинг Гоогле экотизими билан интегратсияси муҳим рол ўйнамоқда. Сунъий интеллект хизмати Андроид қурилмалари, Гоогле қидируви ва компаниянинг бошқа маҳсулотлари билан боғланган. Бундан ташқари, ундан веб-версия ва иОС иловаси орқали ҳам фойдаланиш мумкин.

Гоогле Геминиъни компания тарихидаги энг тез ўсаётган маҳсулотлардан бири сифатида баҳоламоқда.

Гоогле ва ОпенАИ ўртасидаги рақобат кучаймоқда

Геминиънинг 1 миллиард ойлик фаол фойдаланувчига етиши сунъий интеллект бозорида Гоогле ва ОпенАИ ўртасидаги рақобат тобора кучайиб бораётганини кўрсатади.

Шу билан бирга, Гоогле эълон қилган 1 миллиардлик кўрсаткич айнан Гемини иловаси ва веб-версиясидан фойдаланувчиларга тегишли. Гоогле қидируви ёки бошқа маҳсулотларда мавжуд сунъий интеллект функсияларидан фойдаланадиганлар ушбу рақамга киритилмаган.

Аввалроқ ЧатГПТ ҳам ойига 1 миллиард фаол фойдаланувчи кўрсаткичига етгани ҳақида маълум қилинган эди. Шу тариқа иккала компаниянинг сунъий интеллект хизматлари глобал аудитория учун курашда янги босқичга чиқмоқда.