“Интер Маями” ҳужумчиси Лионел Месси отаси Хорхе Месси вафотидан сўнг футболчилик фаолиятини давом эттиришга қарор қилди. Бу ҳақда “Тодо Noticias” хабар берди.

Месси 12 август куни АҚШга қайтиб, “Интер Маями” билан машғулотларни босқичма-босқич давом эттириши кутилмоқда. Бироқ аргентиналик футболчининг қачон майдонга қайтиши ҳозирча номаълум.

Лионел Мессининг отаси Хорхе Месси 8 август куни узоқ давом этган касалликдан сўнг 68 ёшида Росариодаги шифохонада вафот этган. Месси отаси билан видолашув маросимида қатнашгани сабабли 9 август куни “Монтеррей”га қарши ўйинда иштирок этмади.

Аввалроқ айрим ОАВлар Месси “Интер Маями”даги фаолиятини номаълум муддатга тўхтатиши мумкинлиги ҳақида хабар берган эди.

39 ёшли Месси 2023 йилдан буён “Интер Маями” сафида тўп тепмоқда. Фаолияти давомида у “Барселона” ва “Пари Сен-Жермен” клубларида ҳам ўйнаган.