Бугун франсиялик футболчи парижликлар сафида ўзининг навбатдаги голини урди.

Килиан Мбаппе ПСЖ тарихидаги энг яхши тўпурарга айланишига оз қолди. Рекорд 200 та гол билан Каванига тегишли.

23 ёшли ҳужумчи Лига 1 15-туридан ўрин олган “Осер”га қарши учрашувнинг (1:0, биринчи бўлим) 11-дақиқасидаёқ ҳисобни очди.

Ушбу гол франсузнинг ПСЖ сафидаги 237-учрашувидаги 190-голи. Мбаппе клуб тарихидаги иккинчи энг яхши тўпурар ҳисобланади. Эдинсон Кавани ПСЖ сафида 301 та ўйинда 200 та гол урган ҳолда пешқадамлик қилмоқда.

Мбаппе жорий мавсумда ПСЖ сафида 20 та ўйинда майдонга тушиб, 19 та гол ва 5 та голли узатмага муаллифлик қилган. У 12 та гол билан Лига 1 тўпурарлар рўйхатини бошқариб турибди.

• Футбол
• Лига 1
• Mbappe