Қарши шаҳрида бўлиб ўтаётган халқ депутатлари Қашқадарё вилояти кенгашининг навбатдан ташқари сессиясида ташкилий масала кўрилди.

Президент Шавкат Мирзиёев 2021 йил ноябрь ойидан буён Қашқадарё вилояти ҳокими вазифасини бажариб келаётган Азимов Муротжон Бердиалиевич номзодини вилоят ҳокими лавозимига тавсия этди.

Шунингдек, давлат раҳбари вилоятга янги тасдиқланган ҳокими ҳақида илиқ фикрларни билдирган.

– Қашқадарёга янги ҳоким тайинлашимиз керак. Бу элнинг феълини билган одамнинг номзодини айтмоқчиман. Мен уни кеча эмас, 15 йилдан бери биламан. Божхона тизимида тажриба тўплаган, менинг ишончимни оқлади. Албатта оғир бўлди, аммо тоза ишлади, cиндирди коррупцияни. Ўзимга ўзим савол бераман. У ёки бу соҳага, ҳудудга раҳбарни тўғри танладимми? Баъзан ишонч билан, баъзан иложсизликдан кадр қўямиз. Чунки яхши кадр топиш жуда қийин.  Биласизларми, битта мактабга фидойи директор келса, муҳитни қанча яхши томонга ўзгартиради, – дейди Президент.

Овоз бериш натижаларига кўра, М.Азимов Қашқадарё вилоятининг ҳокими этиб тасдиқланди.

• Муротжон Азимов
• Президент
• Qashqadaryo
• хабар