Танага қувват беради, унинг чидамлилигини оширади. Бунинг учун термосга 1 ошқошиқ наъматак мевалардан солиб, уни устига қайнаб турган сув қўшиб, кечасига дамлаб қўйилади. Эрталаб сузиб олинади-да, кейин кунига дамламадан 3 маҳал таомдан ярим соат олдин ярим пиёладан ичилади.

Ўт қопи оғриганда, наъматакни дамлаб ичиш яхши ёрдам беради. Совуқ ошиб кетмаслиги учун унга туршак ва новвот қўшиш лозим. Наъматак мевасидан ҳар куни 3-4 дона ейиш мия тиқилмаларини очиб, уни қувватлантиради. Наъматакли чой оғиз қуришининг олдини олади.

Наъматакли дамлама уйқусизликда яхши ёрдам беради. Бунинг учун 1 ошқошиқ қуритилган наъматак меваси 1 стакан қайноқ сувда дамланади ва 1 соат давомида термосда сақланади. Дамлама уйқуга ётишдан олдин ичилади.

Мирзамир Мирзашарипов, доришунос.

Манба: “Шифо-инфо” газетаси.

• Фойдали
• Lifestyle
• Tavsiya
• саломатлик
• xalq tabobati