"Netflix" стриминг платформаси жанубий кореялик ижодкорлар томонидан суратга олинган "Кальмар ўйини" сериалидаги воқеалар асосида махсус реалити шоу уюштиради. Шоу иштирокчилари тарихдаги энг катта ютуқ суммаси – 4,56 миллион доллар учун курашадилар.

Шоуда дунёнинг турли мамлакатларидан келган 456 нафар одам иштирок этиши мумкин. Ҳар бир ўйиндан кейин иштирокчилар бирин-кетин шоуни тарк этишади. "Кальмар ўйини" бир нафар ғолиб қолгунича давом этади.

"Netflix" иштирокчилар учун кастинг эълон қилиб улгурган. Иштирокчилардан инглиз тилини билиш талаб этилади.

Ўйин ташкилотчилари шоуда иштирок этадиган одамларга ҳеч қандай зарар етмаслигини алоҳида таъкидлаб ўтганлар. Реалити шоунинг биринчи мавсуми "Squid Game: The Challenge" номи билан тақдим этилади ва 10 та эпизоддан иборат бўлади.

• Кино
• Шоу-бизнес
• қизиқарли