Сербиялик теннисчи фаолиятини якунлаши муносабати билан Рожер Федерерга мурожаат қилди.

“Рожер, бугунги кунда теннисда бирга бошдан кечирганларимизни сўз билан ифодалаш қийин. Ўн йилдан ортиқ ақл бовар қилмайдиган дақиқалар ва жанглар.

Сизнинг мартабангиз мукаммалликка эришиш ва бенуқсон раҳбар бўлиш нимани англатишини стандарт қилиб қўйди. Сизни майдонда ҳам, майдон ташқарисида ҳам билишдан фахрланаман.

Биламан, бу янги боб сиз, Мирка, болалар, барча яқинларингиз учун ажойиб бўлади. Рожернинг мухлислари эса жуда кўп қизиқарли нарсаларни кутишмоқда.

Оиламиз билан сизга қувонч, соғлик ва келгусида фаровонлик тилаймиз. Ютуқларингизни нишонлашни ва Лондонда учрашишни интиқлик билан кутаман”.

Жокович ва Федерер 23-25-сентябр кунлари Лейвер кубогида бирга ўйнашади.

• Новак Жокович
• Рожер Федерер
• Теннис