Олча — витамин, микроэлемент ва биологик фаол моддалар жамланган нордон ва хуштаъм мевадир. Бу каби фойдали моддалар мевасида, бандида, баргларида ва ҳатто пўстида ҳам учрайди.

Хорижлик олимларнинг тадқиқотларига кўра, 12 ҳафта давомида олча шарбатини шакарсиз қабул қилиш натижасида кекса одамларда оксидловчи стресс био-маркерлари сони камаяди.

Олча барги қайнатиб истеъмол қилинса, грипп, иситма, йўталдан тезроқ тузалишга ёрдам беради. Ёш болалар ва кексаларда оғирроқ кечадиган бронхит касалида олча мевасини қайнатиб ичиш тавсия этилади.

Таркибида В гуруҳ витаминлари, пектинни сақлаган олча нафақат тинчлантиради, уйқуни тиниқлаштиради. Балки яхшигина оздиради ҳам. Бу мевани кунига 3 маҳал, 10 донадан овқатдан олдин ейилса, ой давомида 5-8 килогача вазн ташлаш мумкин.

Бироқ, бир вақтнинг ўзида 100 граммдан ортиқ олча истеъмол қилмаслик ёки 100 граммдан ортиқ олча шарбатини ичмаслик лозим. Ортиқча истеъмол тиш эмалининг бузилишига олиб келади. Ошқозон яраси, қандли диабетдан азият чекувчилар камроқ ейиши тавсия этилади.

Олчани қандай танлаймиз?

Мевани танлашда унинг шохчаси яшил бўлишига эътибор бериш лозим. Бу меванинг янги узилганини билдиради. Хомлигича олчани совутгичда атиги 2 кун сақлаш мумкин. Узоқроқ сақлаш учун данагидан ажратиб музлатиб қўйиш керак. Шу ҳолатда уни 6 ойгача сақлаш мумкин.

• Мева