Sky News нашрининг маълум қилишича, полшалик олимлар ДНК, 3D принтер ва лой ёрдамида 400 йил илгари яшаган қизнинг кўринишини қайта тиклашди.

2022 йилда Полшанинг Николай Коперник университети археологлари томонидан бу қизнинг исми маҳаллий аҳолининг орасида Зосиа бўлганини ҳамда унинг қолдиқларини аниқлаганлар.

Қизнинг қолдиқлари бўйнида ўроқ, оёқларига эса осма қулф осилган ҳолда топилган. Ўша даврда булар вампирлардан ҳимоя қилган, деган қарашлар бўлган.

Зосианинг жасадлари таҳлили шуни кўрсатадики, у вафот этган пайтда 18-20 ёшда бўлган. Қиз ҳушдан кетиш, кучли бош оғриғи ва руҳий саломатлик билан боғлиқ муаммоларга олиб келиши мумкин бўлган касалликдан азият чеккан.

Мутахассислар реконструкцияни 3D принтерда бош суягининг нусхасини яратишдан бошлаган, кейин эса реалистик юзни шакллантириш учун пластилин қатламларини аста-секин кенгайтирган. Юз чуқурлигини баҳолашда суяклар тузилиши жинс, ёш, этник келиб чиқиш ва тахминий вазн маълумотлари билан бирга ҳисобга олинган.

Зосианинг ҳаёти ҳақида оз нарса маълум, аммо мутахассислар, у бой, эҳтимол, аслзода оиладан бўлиши мумкинлигини таъкидлайди.

• Arxeologiya
• Olimlar
• қизиқарли
• тадқиқот
• топилма