InSight аппарати маълумотларини таҳлил қилиш олимларга Марс ядросининг янги хусусиятларини кашф қилиш имконини берди. Тадқиқот сейсмик тўлқинларни кузатишга асосланган эди.

Қурилма Қизил сайёрада тўрт йил давомида сейсмик фаолликни қайд этган. Тўлқинларнинг бир қисми ядродан ўтиб, олимларга унинг зичлиги ва бошқа хусусиятларини тахмин қилиш имконини берди.

Таҳлил шуни кўрсатдики, Марснинг маркази темирнинг суюқ қотишмаси бўлиб, унда ажабланарли даражада катта миқдорда олтингугурт ва кислород мавжуд. Янги маълумотлар Марс тарихини ва унинг Ердан нима учун бунчалик фарқ қилиши сабабини яхшироқ тушунишга ёрдам беради.

“1906 йилда олимлар зилзилалар натижасида юзага келадиган сейсмик тўлқинларнинг у орқали ўтишини кузатиш орқали биринчи марта Ер ядросини кашф қилишди. Орадан юз йилдан кўпроқ вақт ўтгач, биз сейсмик тўлқинлар ҳақидаги билимларимизни Марсда қўллаймиз”, — деди тадқиқот муаллифларидан бири, Мериленд университети геологи Ведран Лекич.

2021 йилдаги иккита воқеа Марснинг ядросини ўрганишга ёрдам берди: кучли зилзила ва метеорит билан тўқнашув. Улар томонидан ҳосил қилинган сейсмик тўлқинлар кузатувлар тарихида биринчи марта сайёра марказига етиб келди.

Натижалар шуни кўрсатдики, Ердан фарқли ўлароқ, Марс ядроси бутунлай суюқ ва ёпишқоқ. У шунингдек, учувчи элементларнинг кўпроқ қисмини ўз ичига олади. Ядро таркибида кислород, углерод ва водород миқдори паст бўлган кўп миқдорда олтингугурт мавжуд.

• Lifestyle
• Mars
• қизиқарли