Франциялик гроссмейстер соғлиғидаги жиддий муаммоларга қарамай, Руминияда бўлиб ўтаётган “Grand Chess Tour” турниридаги иштирокини давом эттиришга қарор қилди. У ўзининг ҳолати ва мусобақани тарк этмаслик сабаблари ҳақида шундай деди: “Менга дам олиш ҳам керак. Хайриятки, шахматни ҳатто ётиб ҳам ўйнаш мумкин. Олдинда ҳали бешта яхши партия бор. Шунинг учун ўйнашда давом этмоқчиман”. Фирузжа шифокорлар рухсати ва ташкилотчиларнинг ёрдами ҳақида ҳам тўхталиб, “Шифокорга борганимизда, у  агар шароитлар мос келса, ўйнашим мумкинлигини айтди. Кейинги савол ташкилотчилар буни ташкил қила олиши ва рақиб ўйинчилар бунга рози бўлиши билан боғлиқ эди. Ҳаммаси ижобий ҳал бўлди. Шундай вазиятда ўйинларни бой бериш жуда ачинарли бўларди”, – дея маълум қилди.

Шунингдек, у Синдаровга қарши ўйини ҳақида ҳам ўз фикрини билдирди: “Синдаров билан ўйин унчалик қониқарли бўлмади, лекин охирида, позициям анча ёмон бўлишига қарамай, эндшпилда яхшироқ ўйнашга муваффақ бўлдим. Аввалига яхши ўйнамаган бўлсам-да, эндшпиль қандай ўтганидан мамнунман”.

Маълумот учун, 5-тур доирасидаги Жавоҳир Синдаров – Алиреза Фирузжа партиясида дуранг натижа қайд этилганди.

• Руминия
• Шахмат
• Спорт