Жорий йилнинг 17-20 ноябрь кунлари Ўзбекистон Ошпазлар уюшмаси жамоаси Туркияда (Анталия) ўтказилган “Gastro Antaliya 2022” халқаро пазандалик чемпионатида иштирок этди.

Гастро Анталья ошпазлик чемпионатида Ўзбекистон, Исроил, Италия, Сербия, Германия, Россия, Доғистон, Озарбайжон, Қозоғистон, Испания, Туркия ва бошқа кўплаб давлатлардан ташриф буюрган ошпазлар, шунингдек, олий тоифадаги ҳакамлар иштирок этган.

Маълумот ўрнида айтиш жоизки, ушбу чемпионат 2021 йилда пандемия сабабли чекланган иштирокчилар билан ўтказилган. “Gastro Antaliya 2022” чемпионати 32 давлатдан 600 дан ортиқ иштирокчиларни қамраб олган Туркиядаги энг йирик ва энг нуфузли мусобақага айланди.

Ўзбекистон Ошпазлар уюшмаси жамоаси таркиби:

Акбар Умаров – ҳакамлар ҳайъати аъзоси;
Элёрбек Мирбобоев – устоз;
Шоҳрузхон Ибрагимов – иштирокчи.

Ўзбекистон жамоаси чемпионат якунига кўра 3 та медални қўлга киритди.

Хусусан, Шохрузхон Ибрагимов “Балиқли таом” номинацияси бўйича олтин, “Замонавий ошхона – гўштли таом” номинацияси бўйича эса кумуш медални қўлга киритди.

Элёрбек Мирбобоев эса “Йилнинг олтин ошпази” номинациясида 1-ўринни эгаллаб, олтин медаль соҳиби бўлди.

• Oshpaz
• Ўзбекистон
• Туркия
• musobaqa