Ўзбекистон Республикасида бино ва иншоотлар қурилиши бўйича 40,5 трлн сўмлик қурилиш ишлари бажарилган. Бу ҳақда статистика агентлиги маълум қилди.

Қайд этилишича, 2024 йилнинг январь-май ойларида Ўзбекистон республикасида бино ва иншоотлар қурилиши бўйича 40,5 трлн сўмлик қурилиш ишлари бажарилиб, умумий ҳажмга нисбатан улуши 68,5 фоизни ташкил этган.

Қорақалпоғистон республикасида ушбу кўрсаткич бўйича 1 533,5 млрд сўмлик қурилиш ишлари бажарилиб, умумий ҳажмга нисбатан улуши 67,7 фоизни ташкил этган.

Шунингдек, фуқаролик объектларини қурилиши фаолиятида 612,7 млрд сўмлик ишлар бажарилиб, умумий ҳажмга нисбатан улуши – 27,1 фоизни, ихтисослаштирилган қурилиш ишларида 118 млрд сўмлик ишлар бажарилиб, умумий ҳажмга нисбатан улуши 5,2 фоизни ташкил этган.

• qurilish
• qutqaruv ishlari