Ўзбекистонда янги лимонзорлар барпо этиш ва кўчатлар харид қилиш билан боғлиқ харажатлар ҳар бир сотих учун 300 минг сўмдан ошмайдиган миқдорда субсидия сифатида қоплаб берилади. Бу ҳақида Норма хабар берди.

Лимон етиштириладиган иссиқхоналарни барпо этишда муқобил энергия (табиий газга нисбатан) қурилмалари қийматининг бир қисмини қоплаш тартиби тўғрисидаги низом тасдиқланди. У субсидия ажратиш тартибини назарда тутади, ариза беришда зарур ҳужжатлар рўйхатини, шунингдек 5 йил мобайнида маблағлардан фойданиш юзасидан мониторинг олиб бориш тартибини белгилаши қайд этилган.

Маълум бўлишича, муқобил энергия орқали ишлайдиган иситиш қурилмалари қийматининг 30 фоизгача бўлган қисми Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлигининг Боғдорчилик ва иссиқхона хўжалигини ривожлантириш жамғармаси маблағлари ҳисобидан қоплаб берилади.

Шуниндек, агентлик ва талабгор ўртасида субсидия ажратиш ҳақидаги шартнома тузилади, у талабгорнинг аризасида кўрсатилган асосий банк ҳисобварағига бир ой муддатда ўтказиб берилади.

Таъкидлаш жоизки, “Янги лимонзорларни барпо этиш ва кўчатларни харид қилиш билан боғлиқ харажатларнинг бир қисмини қоплаш тартиби тўғрисида”ги низом тасдиқланди. Ҳужжат билан субсидия ажратиш тартиби ўрнатилган, ариза беришда зарур ҳужжатлар рўйхати белгиланган.

Низомга асосан, янги лимонзорлар барпо этиш ва кўчатлар харид қилиш билан боғлиқ харажатлар ҳар бир сотих учун 300 минг сўмдан ошмайдиган миқдорда субсидия сифатида қоплаб берилади.
Хусусан, субсидия лимонзорларни барпо этиш ишлари якунланиб, туман ишчи комиссиясининг уларни фойдаланишга қабул қилиш юзасидан далолатномалари Агентликка тақдим этилгандан сўнг бир ой муддатда ажратилади.

Ҳужжат қонун ҳужжатлари маълумотлари миллий базасида эълон қилинган ва 18январдан кучга кирди.

• Лимон
• субсидия