Аралаш яккакураш устаси Ҳабиб Нурмагомедовнинг жияни Усмон Нурмагомедов ҳамда UFC собиқ чемпиони Мераб Двалишвили иштирокидаги можаро юзасидан воқеа қатнашчилари Абу-Дабида 12 соатдан ортиқ вақт давомида ҳибсда сақланган. Бу ҳақда ТАСС агентлиги хабар берди.
Аввалроқ грузиялик Мераб Двалишвили ижтимоий тармоқдаги саҳифасида Усмон Нурмагомедов ва унинг дўстларини ўзига нисбатан куч ишлатганликда айблаган эди.
ТАСС манбасининг маълум қилишича, ҳодиса иштирокчилари 12 соатдан ортиқ вақт давомида ҳибсда бўлган. Шунингдек, уларнинг олдига адвокат ҳам келган.
Маълумот учун, Мераб Двалишвили 2025 йил январь ойида Усмон Нурмагомедовнинг укаси Умар Нурмагомедов билан жанг қилиб, ғалаба қозонган ва чемпионлик камарини ҳимоя қилган эди. Кейинчалик Двалишвили Пётр Ян билан ўтказган сўнгги икки жангида мағлубиятга учраган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!