“Ҳудудгаз Фарғона” ГТФ комплаенс назорат тузилмалари, туман газ таъминоти бўлими ва “Ўзенергоинспексия” ходимлари иштирокида Фарғона туманида табиий газдан ноқонуний фойдаланиш ҳолатларини аниқлашга қаратилган назорат тадбирлари ўтказилди.

Хусусан, туманнинг “Миндон” МФЙ Чашма кўчасида жойлашган “О.” номли умумий овқатланиш масканида табиий газдан фойдаланиш ҳолати ўрганилганда, истеъмолчи газ тармоғига ҳеч қандай ҳужжат ва рухсатларсиз уланиб, “зангори олов”дан қонунга зид равишда фойдаланиб келаётгани аниқланган. Бу ҳақда Энергетика вазирлиги Telegram саҳифасида хабар берилди.

Ҳолат бўйича тегишли тартибда далолатнома тузилди ва табиий газ ҳажмлари қайта ҳисобланди. Дастлабки ҳисоб-китобларга кўра, 2 миллиард 108 миллион сўм зарар келтирилгани маълум бўлган.

Вазиятга оид барча ҳужжатлар ҳуқуқни муҳофаза қилувчи органларга юборилган.

• Фарғона
• Газ