Ўзбекистонда оммавий ахборот воситаларини қўллаб-қувватлашга қаратилган Президент қарори лойиҳаси жамоатчилик муҳокамасига тақдим этилди.Лойиҳага кўра, 2027 йил 1 январдан 2029 йил 31 декабргача ОАВлар учун фойда солиғининг 0 фоизлик ставкаси жорий этилиши таклиф қилинмоқда.

Шунингдек, полиграфия ускуналари, фото, радио ва телевидение жиҳозлари ҳамда қоғоз импортини божхона божидан озод этиш режалаштирилган.Ҳужжатда Ўзбекистон Журналистлар уюшмаси ҳузурида ОАВ ва журналистика фаолиятини қўллаб-қувватлаш миллий жамғармасини ташкил этиш ҳам назарда тутилган. Уни молиялаштириш учун давлат бюджетидан ҳар йили 40 миллиард сўм субсидия ажратиш таклиф этилмоқда.

Бундан ташқари, энг долзарб журналистик материаллар муаллифларини пул мукофотлари билан рағбатлантириш, ёш журналистларнинг контракт тўловларини қоплаш ҳамда ижтимоий аҳамиятга эга медиа лойиҳаларни грантлар орқали қўллаб-қувватлаш режалаштирилган.