Қашқадарё вилоятида ўтказилган текширув ва тезкор тадбирлар давомида қум ҳамда қум-шағал аралашмасини ноқонуний қазиб олиш билан боғлиқ бир нечта ҳолат аниқланди.Биринчи ҳолатда, Қамаши туманида фуқаролар ўзаро тил бириктириб, “Қашқадарё” дарёси ҳудудидан 26 614,4 куб метр қум хомашёсини ноқонуний қазиб олгани ва бунинг оқибатида давлат ҳамда жамият манфаатларига 665,5 миллион сўмлик зарар етказгани маълум бўлди.

Иккинчи ҳолатда, Чироқчи туманида хусусий корхона масъуллари коннинг белгиланган чегарасидан ташқарида 15 338,8 куб метр қум-шағал аралашмасини қазиб олиб, 400,2 миллион сўмлик зарар етказган.Яна бир ҳолатда эса Миришкор туманида фуқаро ва унинг шериклари МЧЖга тегишли ер майдонидан 9 755,7 куб метр қумни ўзбошимчалик билан қазиб олиб, давлат ва жамият манфаатларига 253,5 миллион сўм зарар етказгани аниқланган.

Мазкур ҳолатлар юзасидан Жиноят кодексининг 229-моддаси (ўзбошимчалик) билан жиноят ишлари қўзғатилиб, тергов ҳаракатлари олиб борилмоқда.