Жиззах вилоятида алимент тўловларидан 20 миллион сўмдан ортиқ қарздорлиги бўлган фуқаро меҳмонхонада яширинган вақтида қўлга олинди.Маълум қилинишича, Мажбурий ижро бюросининг Жиззах вилояти қидирув бўлими ходимлари томонидан ўтказилган тезкор тадбирда қарздор А.Д. Жиззах шаҳридаги меҳмонхоналардан бирида аниқланган. 

У икки кишилик хона буюртма қилиб, кимгадир кутиб турган вақтда хонага ходимлар кириб борган.Қайд этилишича, фуқаронинг алимент бўйича қарзи 20 миллион сўмдан ошиб кетган бўлиб, у аввал ҳам фарзандини таъминлашдан бўйин товлагани сабабли маъмурий ва жиноий жавобгарликка тортилган.

Ҳозирда қидирувда бўлган шахс топилиб, ижро ҳаракатларини давом эттириш учун тегишли бўлимга топширилган.