Ўзбекистонда фуқароларни яшаш ва турган жойи бўйича рўйхатдан ўтказишнинг янги тартиби тасдиқланди.

Ҳукуматнинг янги қарорига кўра, энди рўйхатдан ўтказиш ички ишлар органларининг миграция бўлинмалари томонидан амалга оширилади.

Янги низомга мувофиқ:
— фуқаро ва уй эгасининг розилиги “Face-ID” ёки “Mobile-ID” орқали тасдиқланади;
— янги манзилга кўчиб келган фуқаро 10 иш куни ичида рўйхатдан ўтиши керак;
— аризалар давлат хизматлари марказлари, “Ақлли” миграция шохобчалари ёки онлайн тарзда топширилиши мумкин;
— 18 ёшгача бўлганлар ота-онаси ёки васийси рўйхатда турган манзилга қайд этилади;
— бир нечта уйи мавжуд мулкдор фақат битта манзилда доимий рўйхатда туриши мумкин.

Шунингдек, чегара ҳудудлари, ёпиқ ҳарбий шаҳарчалар ва фавқулодда ҳолат жорий этилган ҳудудларда яшаш ҳамда ҳаракатланиш бўйича айрим чекловлар қўлланилиши мумкин.