ЙҲХХ хабарига кўра, жорий йилнинг 5 май куни соат 09:05 ларда Навоий вилояти, Нурота туманида Matiz иштирокида ЙТҲ содир бўлган. Маълум қилинишича, “Янгиҳаёт” МФЙ ҳудудидан ўтувчи маҳаллий аҳамиятдаги 85В-043 автомобиль йўлининг 8–9-километрлари оралиғида ҳайдовчи, 1992 йилда туғилган Г.Қ., тегишли ҳужжатларсиз “Matiz” русумли автомобилни бошқараётиб, тажрибасизлиги ва чалғиши оқибатида руль бошқарувини йўқотган ва йўлнинг чап томонига чиқиб кетиб, ағдарилган. Ҳодиса оқибатида ҳайдовчи Г.Қ. кўрсатилган муолажаларга қарамасдан шифохонада вафот этган. Автомобилда бўлган 14 нафар вояга етмаган йўловчи турли тан жароҳатлари билан шифохонага етказилган.

Суриштирувлар давомида Г.Қ. оилавий нодавлат мактабгача таълим ташкилоти раҳбари сифатида фаолият олиб боргани маълум бўлди. 14 нафар болаларнинг “Matiz” автомашинасида қоидаларга зид равишда ташилишига уларнинг ота-оналари ҳам эътиборсиз бўлганини кўриш мумкин. Мазкур ҳолат юзасидан терговолди суриштирув ҳаракатлари олиб борилмоқда.

• Avtohalokat
• Навоий
• ЙҲХБ
• YTH