2026-йилнинг биринчи чорагида Ўзбекистонда нефть, табиий газ ва кўмир қазиб олиш ҳажмларида пасайиш қайд этилди. Бу ҳақда Миллий статистика қўмитаси маълум қилди.

Маълумотларга кўра, январ–март ойларида табиий газ қазиб олиш 9,6 млрд куб метрни ташкил этиб, ўтган йилнинг шу даврига нисбатан 15 фоизга камайган. Нефть ишлаб чиқариш 157,3 минг тоннани ташкил этиб, 2,2 фоизга пасайган. Газ конденсати эса 18,3 фоизга қисқариб, 242,3 минг тоннага тушган.

 Икки йиллик кескин пасайиш

2024-йил билан таққослаганда ҳам пасайиш сезиларли: газ қазиб олиш 17,2 фоизга, нефть 12,2 фоизга, газ конденсати эса 26 фоизга камайган.

Ижобий кўрсаткичлар ҳам бор

Шу билан бирга, айрим соҳаларда ўсиш кузатилган. Автомобиль бензини ишлаб чиқариш 2,9 фоизга ошиб, 313,2 минг тоннани ташкил этган.

Дизель ёқилғиси ишлаб чиқариш эса кескин — 54,3 фоизга ошиб, 280,9 минг тоннага етган.

Электр энергияси ишлаб чиқариш ҳам 4,7 фоизга ошиб, 22,93 млрд кВт/соатни ташкил этган.

Портландцемент ишлаб чиқариш 13,9 фоизга кўпайиб, 4,1 млн тоннага етган.