2026 йилнинг биринчи чорагида 5 минг 862 нафар Ўзбекистон фуқароси таълим олиш мақсадида хорижга чиққан. Бу ўтган йилнинг шу даврига нисбатан 21,2 фоизга кам кўрсаткич ҳисобланади.

Миллий статистика қўмитаси маълумотларига кўра, энг кўп талаба Россияга йўл олган — 1 241 нафар. Кейинги ўринларда Жанубий Корея (1 131 нафар) ва Қирғизистон (1 059 нафар) қайд этилган.

Шунингдек, Хитойга 424 нафар, Туркияга 423 нафар, Тожикистонга 381 нафар ва Буюк Британияга 292 нафар ўзбекистонлик ўқиш учун кетган.

Мутахассислар таълим миграцияси камайишига валюта харажатлари ошиши, қабул талабларининг ўзгариши ҳамда маҳаллий олий таълим имкониятлари кенгайиши таъсир қилган бўлиши мумкинлигини таъкидламоқда.