Ҳуқуқ-тартибот органлари тезкор бўлинмалари ҳамкорлигида апрель ойида уюшган нарко-жиноятчилик ва уюшган жиноий гуруҳларга қарши кенг кўламли тезкор тадбирлар амалга оширилди.

Натижада наркотик моддаларни тарқатиш билан шуғулланган 13 та уюшган нарко-жиноий гуруҳ фаолиятига чек қўйилиб, 2 нафар гуруҳ етакчиси ва 35 нафар аъзоси қўлга олинди. Шунингдек, 4 та яширин нарколаборатория, 1 та интернет наркодўкони фош этилди ҳамда халқаро даражадаги назорат остида етказиб бериш тадбири ўтказилди.

Тезкор тадбирлар давомида 285 кг анъанавий наркотик моддалар, 410 минг дона психотроп дори воситалари ҳамда 42 литр ноқонуний прекурсорлар мусодара қилинди. Мутахассислар хулосасига кўра, ушбу жиноий тармоқлар орқали бир йил давомида 2,6 млн дона психотроп восита, 1,4 тонна “гашиш” ва “опий”, шунингдек, синтетик наркотиклар ноқонуний тарқатилиши мумкин эди.Шунингдек, уюшган гуруҳий жиноятчиликка қарши кураш йўналишида 10 та йирик жиноий гуруҳ фаолиятига барҳам берилиб, 10 нафар етакчи ва 50 нафар аъзо ушланди.

Улар 17 та шаҳар ва туманда тадбиркорларга босим ўтказиш, талончилик, безорилик, ўғрилик ва оғир тан жароҳати етказиш каби жиноятларни содир этиб келган.

Тезкор тадбирлар доирасида Тожикистон Республикаси билан ҳамкорликда халқаро тезкор операция ҳам амалга оширилди.

• Чегара
• ДХХ
• Гиёҳвандлик
• ИИВ
• Тожикистон