Ўзбекистон иқтисодий ислоҳотлари халқаро майдонда яна бир муҳим эътирофга сазовор бўлди. “Ўзбекистон Республикаси Миллий инвестиция жамғармаси”нинг Лондон ва Тошкент фонд биржаларида IPOʼга чиқиши мамлакат иқтисодиёти учун тарихий воқеа сифатида баҳоланмоқда.
Мутахассислар фикрича, бу жараён Ўзбекистонга хорижий инвестициялар оқимини сезиларли даражада ошириши мумкин. Эндиликда дунёнинг йирик инвесторлари ва халқаро фондлари ўзбекистонлик компаниялар акцияларига қизиқиш билдирмоқда.
Қайд этилишича, Лондон фонд биржасида листингдан ўтиш компанияларнинг халқаро стандартлар асосида очиқ ва шаффоф фаолият юритишини англатади. Бу эса маҳаллий ва хорижий инвесторлар учун ишонч омилини янада кучайтиради
Жамғарма таркибидаги корхоналарнинг умумий қиймати 11 миллиард доллардан ортиқ экани айтилмоқда. “UZNF” тикери остидаги савдолар 2026 йил 18 май куни Лондон ҳамда Тошкент фонд биржаларида бошланади.
Иқтисодчилар ушбу жараённи Ўзбекистоннинг глобал молия бозоридаги мавқеини мустаҳкамловчи муҳим қадам сифатида баҳоламоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!