Ўзбекистоннинг ташқи қарзи 30 сентябрь ҳолатига кўра 60,2 миллиард долларни ташкил қилди. Бу Марказий банкнинг тўққиз ойлик якунлари бўйича тўлов баланси, халқаро инвестиция позицияси ва мамлакат ташқи қарзи тўғрисидаги маълумотларидан келиб чиқди.

Ташқи қарз давлат ва хусусий қарзлардан иборат. Таъкидлаш жоизки, “хусусий” сектор асосан давлат улушига эга бўлган компаниялар ва банклар томонидан ифодаланади.

Давлат ташқи қарзи қарийб 32,5 миллиард долларни, корпоратив (хусусий) қарз – 27,7 миллиард долларни ташкил этади.

Йил бошидан буён ташқи қарзнинг умумий ҳажми 7,2 миллиард долларга ошди. 2023 йил охирида бу кўрсаткич 53 миллиард долларни, жумладан, давлат қарзи 29,7 миллиард долларни ва хусусий қарз 23,3 миллиард долларни ташкил этган эди.

• Ўзбекистон
• Ташқи қарз