Бугун, 4 май куни «Ҳилтон» меҳмонхонасида Ўзбекистон электрон оммавий ахборот воситалари миллий ассоциацияси (ЎзЭОАВМА)нинг умумий йиғилиши бўлиб ўтди, дея хабар бермоқда «Хабар.уз» нашри.

Қайд этилишича, йиғилишда ЎзЭОАВМАнинг номи ўзгаргани маълум қилинди. Энди у Ўзбекистон миллий медиа ассоциацияси деб аталади.

Шунингдек, ассоциациянинг янги таркиби ҳам тайинланди. Унга кўра, Ассоциация Бошқаруви раисининг ўринбосари – Бош директор сиёсий фанлар бўйича фалсафа доктори Аброржон Пўлатов, Ассоциация Бош директори биринчи ўринбосари Абдулазиз Абуталипов, Бош директорнинг умумий масалалар бўйича ўринбосари Улуғбек Аҳмедов, Бош директорнинг ижодий масалалар бўйича ўринбосари Нигора Хўжаева тайинланди.

• Sherzodxon Qudratxo‘ja