Ўзбекистонда ўрнатилган фото ва видео қайд этиш қурилмалари ҳамда радарлар фаолияти текширилмоқда. Йўл ҳаракати хавфсизлиги хизмати (ЙҲХХ) 15-ноябрь куни республиканинг барча ҳудудларида махсус жиҳозланган автомобиллар ёрдамида назорат тадбирлари олиб борилаётганини маълум қилди.
Қайд этилишича, ижтимоий тармоқларда айрим радарлар ноқонуний ишлаётгани ва ҳайдовчиларга тезлик меъёрларини ошириб ёзаётгани ҳақида хабарлар тарқалган. Шу муносабат билан қурилмаларнинг техник талабларга мувофиқлиги, тезликни қайд этиш аниқлиги ва қонуний фаолияти текширилмоқда.
ЙҲХХ маълумотига кўра, радарлар Ўзбекистон миллий метрология институти мутахассислари томонидан ҳам мунтазам равишда метрологик текширув ва синовлардан ўтказилади.
ЙҲХХ ахборот хизмати ходими Фаррух Мирзабоевнинг таъкидлашича, аниқланган камчиликлар ва қонунбузилиш ҳолатлари юзасидан масъулларга нисбатан қонунчиликда белгиланган тартибда чоралар кўрилади. Ҳозирда радарлар фаолиятини текшириш ишлари республика бўйлаб олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!