Қарши халқаро аэропортида ноқулай об-ҳаво (кўришнинг етарли даражада эмаслиги) шароити туфайли 5 ноябрь кунги “HY070 Қарши – Тошкент” йўналишидаги қатнови 6 ноябрь соат 05:30 га мажбурий кўчирилди.

“Uzbekistan airways” авиакомпаниясининг хабар беришича, қатнов экипажи соат 05:30 қадар об-ҳаво яхшиланишини кутган ва экипажни иш вақти тугагани маълум бўлган. Ҳаво кемаси сардори қатновни соат 12:00 га кўчиришга қарор қилган.

Қайд этилишича, бугун, 6 ноябрь куни Қарши – Тошкент йўналишидаги HY-070 рейси белгиланган манзилга етиб борган.

“Авиакомпания учун йўловчилар хавфсизлиги юқори ўринда туради. Келтирилган ноқулайликлар учун йўловчилар ва уларни кутиб олувчилардан узр сўраймиз”, – дейилади “Uzbekistan Airways” АЖ ахборот хизмати хабарида.

• Қарши
• Тошкент
• авиация