Сирдарё вилоятида 21 туп қайрағоч дарахтини кесганлар озодликдан маҳрум қилинди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги маълум қилди.

Унга кўра, М.А. шериклари билан олдиндан тил бириктириб, 2023 йилнинг декабрь ва 2024 йилнинг январь ойларида ўзига қарашли бўлган дала майдони четида кўкариб турган жами 21 туп қайрағоч дарахтларини қонунга хилоф равишда кесиб, сотиб юборган.

Уларга нисбатан Ўзбекистон Республикаси Жиноят кодексининг 198-моддаси (Экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) 2-қисми билан жиноят иши қўзғатилганди.

Дарахтлар кесилиши оқибатида табиатга 1 миллиард 459 миллион 144 минг сўм зарар етказилган.

Суд қарори билан ҳар бир судланувчига 2 йилдан озодликдан маҳрум қилиш жазоси тайинланган.

• daraxt