Маълум қилинишича, Қорабоғдаги Хонкенди (Степанакерт) - Аскеран трассасидаги ёқилғи сақланадиган омборхонада портлашда камида 20 киши ҳалок бўлди. Бу ҳақда тан олинмаган Тоғли Қорабоғнинг Соғлиқни сақлаш вазирлиги хабар берди.

Билдирилишича, портлаш жойида 13 нафар номаълум жасад топилган, улар экспертиза учун юборилган, шунингдек, етти киши шифохонада вафот этган.

“Кўп одамлар бедарак йўқолган деб ҳисобланмоқда”, дейилади хабарда.

Айтилишича, портлашдан сўнг турли даражадаги куйишлар билан жами 290 киши тиббиёт муассасаларига етказилган.

Озарбайжон марказий ҳокимияти Хонкандидаги портлаш қурбонларини даволаш учун тиббий ёрдам юборди.

“2023 йилнинг 25 сентябрь куни Хонканди шаҳри яқинидаги ёнилғи қуйиш шохобчасида портлаш содир бўлди. Маълумотларга кўра, ҳодиса оқибатида кўплаб қурбонлар ва жароҳатланганлар бор. Шу муносабат билан жабрланганларга ёрдам кўрсатиш мақсадида 200 кишини даволаш учун куйишга қарши тиббий буюмлар, боғламлар, қўлқоплар, дори-дармонлар (спрейлар, кремлар, оғриқ қолдирувчи воситалар, антибиотиклар ва бошқалар) бўлган тез тиббий ёрдам машинаси юборилди”, - дейилади Озарбайжон президенти маъмурияти хабарида.

Ўз навбатида Арманистон Соғлиқни сақлаш вазирлиги зарур тиббий асбоб-ускуналар ва дори-дармонларга эга шифокорлар гуруҳи портлашда яраланганларга ёрдам кўрсатиш учун Хонкандига вертолётда учиб кетганини маълум қилди.

• Арманистон
• Тоғли Қорабоғ
• Xayrullo Bozarov
• portlash