Энергетика вазирлиги Ахборот хизмати маълум қилишича, Энергетика вазирлигида истеъмолчиларни энергия ресурслари билан узлуксиз ва барқарор таъминлаш чора-тадбирларига бағишланган йиғилиш бўлиб ўтди. Унда муборак Рамазон ойига тайёргарлик масалалари кўриб чиқилди ва қуйидаги чора-тадбирлар белгиланди:

- ёқилғи-энергетика объектларидаги асосий ва ёрдамчи қурилмаларнинг ишончли фаолиятини таъминлаш, аҳоли ва улгуржи истеъмолчиларга энергия ресурсларини узлуксиз етказиб бериш бўйича зарур чоралар кўрилди;

- икки мингдан ортиқ жомеъ масжидларда электр таъминоти барқарорлигини таъминлаш мақсадида тақсимлаш тармоқлари тўлиқ кўрикдан ўтказилиб, аниқланган камчиликлар бартараф этилди;

- таровеҳ намозлари ўқиладиган масжидларни узлуксиз электр энергияси билан таъминлаш учун ҳар бир масжидга бир нафардан навбатчи энергетик ходим бириктирилди.

Бундан ташқари, зарур ҳолатларда дизель генераторларини ўрнатиш чоралари кўрилади.

Шунингдек, мазкур масжидларда 2547 нафар муҳандис-техник ходимдан иборат навбатчилик ташкил этилди. 210 та тезкор авариявий чиқиш бригадаси шакллантирилиб, уларга 250 та автомобиль ва махсус техника бириктирилди.

• Энергетика_вазирлиги
• Масжид
• Ramazon