Ҳиндистоннинг Фан ва технология вазири Життендра Сингхнинг айтишича, Ҳиндистон 2024 йил аёл кўринишидаги роботни коинотга учиришни режалаштирмоқда.

Вёммитра исмли робот-космонавтнинг учирилиши жорий йилнинг учинчи чорагида, Гаганяан миссияси эса келаси йилга мўлжалланган.

Сингхнинг қўшимча қилишича, робот-космонавт одам функцияларини бажариш ва Гаганяан миссиядаги фазовий капсула билан алоқа ўрнатишга мўлжалланган.

Маълумот учун Гаганяан уч кишидан иборат экипажни беш тонналик капсула ичида тахминан уч кун давомида 400 километр баландликдаги Ер орбитасининг қуйи қисмига олиб чиқиб, сўнгра уларни ортга қайтаришдир.

Ҳиндистон коинот агентлиги ҳайвонлар ўрнига роботларни коинотга жўнатиш “коинот муҳитдаги вазнсизлик ва радиация одамларга қандай таъсир қилиши мумкинлигини” тушунишга ёрдам беришидан умидвор.

Агентлик бундай робот экипажга модуль параметрларини кузатиш, панелларни бошқариш, сўровларга жавоб бериш ва келажакдаги миссияларда одамга ўхшаш функцияларни бажаришда ёрдам беришига умид қилмоқда.

• Ҳиндистон
• робот