Россия ва КХДР пандемиядан кейинги икки томонлама алоқаларни тиклаш билан боғлиқ кўплаб масалалар устида ишламоқда, деди Россия Федерациясининг Пхеняндаги элчиси Александр Мацегора.

“Биз пандемиядан кейинги икки томонлама алоқаларни тиклаш билан боғлиқ кенг кўламли масалаларни ишлаб чиқмоқдамиз”– деган Мацегора.

КХДР чегаралари 2020 йилда Covid-19 пандемияси бошланганлиги сабабли чет элликлар ва мамлакат фуқаролари учун ёпиқ эди. Владивосток ва Пхенян ўртасидаги авиаташув ҳам 2020 йилдан бери тўхтатилган. Мацегора Россия федерацияси ва КХДР ўртасида мунтазам равишда юк темир йўл хизмати қайта тикланганлигини айтди.

Июн ойининг охирида Пхенянга Россия мудофаа вазири Сергей Шойгу бошчилигидаги Россия ҳарбий делегацияси ташриф буюрган эди, у КХДРга Корея халқининг 1950-1953 йиллардаги Ватан озодлик урушидаги ғалабасининг 70 йиллигига бағишланган тантаналарда иштирок этиш учун келган. Шимолий Корея оммавий ахборот воситаларининг хабарларига кўра, Шойгу КХДР раҳбари ким Чен Ин билан учрашган, улар хавфсизлик ва мудофаа масалаларини муҳокама қилишган, бундан ташқари, Россия мудофаа вазирлиги раҳбари Шимолий Корея раҳбарига Россия президенти Владимир Путиннинг хабарини берган.

• COVID-19
• Шимолия Корея