“Россиянинг Урал федерал округида жойлашган Хорижий фуқароларни вақтинча сақлаш муассасаларида сақланаётган ватандош аёллар ва болаларни Ўзбекистонга қайтариш бўйича амалий ишлар амалга ошириляпти”, – деб хабар қиляпти “Дунё” ахборот агентлиги.

Ўзбекистон Бош консулхонага Наманган вилоятида туғилган Р.Ф. ўзи ва икки нафар вояга етмаган фарзандларини Ватанга қайтаришда амалий ёрдам сўраб мурожаат қилган.

Р.Ф. билан ўтказилган суҳбат давомида унинг ҳақиқатдан ҳам фарзандлари билан оғир аҳволда қолгани, айрим ҳужжатлари йўқлиги маълум бўлган. Бош консулхона саъй-ҳаракатлари билан унинг ҳужжатлари расмийлаштириб, “Екатеринбург–Наманган” йўналишидаги самолётга чипта сотиб олинган.

Р.Ф. 25 август куни Бош консулхона ходимлари томонидан Наманганга кузатиб қўйилган.

• Konsullik
• Моддий ёрдам
• Россия
• chipta
• fuqaro