Россия Федерасиясининг Волгоград вилоятида иш берувчи шахс, ишлаш мақсадида борган Ўзбекистон фуқароларини калтаклаб, ишлашга мажбур қилганлиги аниқланди. Бу ҳақда Ташқи меҳнат миграцияси агентлиги матбуот хизмати хабар берди.

Қайд этилишича, ўзбекистонлик фуқаролар россиялик иш берувчи томонидан барча ҳужжатлари олиб қўйилиб, куч ишлатилган ва мажбурий меҳнатга жалб қилинган. Ҳатто қилган меҳнатлари учун ойлик маош ҳам берилмаган.

Ташқи меҳнат миграцияси агентлигининг Волгоград шаҳридаги вакили ушбу мурожаатни ўрганиш мақсадида зудлик билан Волгоград вилояти ички ишлар бошқармаси раҳбарияти билан корхонага рейд уюштирган. Рейд давомида вилоятнинг барча ҳуқуқни муҳофаза қилувчи органлари ходимлари иштирок этган.

Натижада иш берувчи ҳибсга олиниб, жиноий жавобгарликка тортилди. Ўзбекистон фуқароларининг паспорт ва ойлик маошлари олиб берилди.

• Мажбурий_ме=нат
• Миграция
• Ўзбекистон
• Паспорт
• Россия
• hujjat