2025 йил 2–11 октябрь кунлари Норвегиянинг Форде шаҳри оғир атлетика бўйича катталар ўртасидаги Жаҳон чемпионатига мезбонлик қилади. Ушбу нуфузли мусобақада дунёнинг турли давлатларидан келган 800 дан ортиқ атлет ғолиблик учун баҳс олиб боради. 100 дан зиёд мамлакат вакиллари иштирок этадиган бу чемпионат оғир атлетика бўйича йилнинг энг муҳим мусобақаларидан бири саналади.

Ўзбекистон терма жамоаси таркибида тажрибали ва йирик мусобақаларда кўплаб ғалабаларга эришган спортчилар ҳам иштирок этади. Хусусан, Олимпия ўйинлари чемпионлари — Акбар Жўраев ва Руслан Нурудинов мусобақада иштирок этадиган асосий номзодлардан ҳисобланади. Улар ҳар иккиси ҳам 110 кг вазн тоифасида беллашади.

Мазкур вазн тоифасидаги баҳслар 10 октябрь куни бўлиб ўтади. Ўзбекистон вақти билан спортчиларимизнинг чиқиши соат 22:30 га белгиланган. Улардан чемпионат давомида юқори натижалар кутиляпти, айниқса, ушбу икки кучли спортчининг битта вазнда баҳсга тушиши мухлислар учун алоҳида қизиқиш уйғотмоқда.

• Норвегия
• musobaqa