Самарқанд давлат ўрмон хўжалиги ўрмон кадастри ходими пора билан ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.

Қайд этилишича, Бош прокуратура ҳузуридаги Департамент ҳамда ДХХнинг Самарқанд тумани бўлимлари томонидан тезкор тадбир ўтказилган. Ушбу жараён давомида Самарқанд давлат ўрмон хўжалиги ўрмон кадастри вазифасида ишловчи И.И. фуқаро Ф.С.гa ушбу ўрмон хўжалиги тасарруфидаги 2 гектар ер майдонини аукцион орқали олиб бериш эвазига 1 000 АҚШ долларини фирибгарлик йўли билан олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

• Ўрмон
• Самарқанд