Коммерсантнинг ёзишича, Сочида (Россия) синтетик гиёҳванд моддалар савдосига уринишда айбланган Ўзбекистон фуқаросига нисбатан ҳукм чиқарилган.

Маълумотларга кўра, ўзбекистонлик шахс гиёҳванд моддалар тармоғида курьер бўлиб ишлаган. У гиёҳванд моддаларни қабул қилиб, уларни қадоқлаб, кейинчалик сотиш учун яширин омборларга жойлаштирган.

“Бироқ, у ўзининг жиноий фаолиятини якунлай олмади: унинг фаолияти ҳуқуқ-тартибот идоралари ходимлари томонидан тўхтатилди”, – дейилади хабарда.

Фуқаро бир гуруҳ шахслар томонидан олдиндан тил бириктириб, катта миқдорда синтетик гиёҳвандлик воситаларини сотишга суиқасд қилиш моддасида назарда тутилган бешта жиноятни содир этганликда айбдор деб топилган.

Унга нисбатан 7 йил муддатга озодликдан маҳрум қилиш жазоси қатъий тартибли колонияда ўташга ҳукм қилингани маълум қилинган.

• Гиёҳвандлик
• Россия