Буюк Британиянинг Кембриж университети тадқиқотчилари сунъий интеллектга эга робот-ошпаз яратдилар. Дастур овқат пишириш видеолари асосида овқат пиширишни ўрганади.

Робот-ошпазлар узоқ вақтдан бери илмий-фантастик асарларда қатнашиб келишган, лекин аслида овқат пишириш машина учун қийин иш. Тренинг давомида олимлар саккизта оддий салат рецептларидан иборат ўзларининг таомномасини яратди ва уларни қандай пиширишларини видеога олди.

Сунъий интеллект кадрларни таҳлил қилди ва у қайси объектга қараётганини ва бу объектдан қандай фойдаланишни аниқлади. У 93 фоиз ҳолларда тайёрланаётган таомни тўғри аниқлай олган.

Вақт ўтиши билан робот қайси ингредиентлар бир-бири билан яхшироқ ишлашини тушунишни ўрганди. У ҳатто рецептдаги ўзгаришларни ҳам аниқлай олди.

Олимларнинг таъкидлашича, улар роботга одам каби босқичма-босқич пиширишни ўргатишган. Сунъий интеллект учун ижтимоий тармоқлардаги ҳақиқий ошпазлик видеоларини кузатиш ҳали ҳам жуда қийин. Аммо ишлаб чиқувчиларнинг фикрига кўра, вақт ўтиши билан у бутунлай янги таомларни ўзлаштириш учун очиқ манбалардан, маълумотлардан фойдаланиши мумкин бўлади.

• Lifestyle
• қизиқарли