Суриядаги воқеалар бошқа араб давлатларида ҳам тартибсизликлар келтириб чиқариши мумкин.

“Миср, Иордания, Саудия Арабистони ва БАА ҳукуматлари Башар Асаднинг ағдарилиши ортидан ўз мамлакатларида юзага келиши мумкин бўлган тартибсизликлардан хавотирда”, – деб ёзмоқда The Washington Post.

Нашрнинг ёзишича, бундай қўрқув айниқса Мисрда жуда юқори. Аввалроқ, президент Абдулфаттоҳ Сиси “Иҳвонул Муслимин” ҳаракатига қарши катта миқёсдаги тазйиқлар ўтказиб, уни заифлаштиришга ҳаракат қилган эди. Аммо минтақа аҳолисининг бир қисми ҳали ҳам бу ташкилотга “яширин хайрихоҳлик” билдиришда давом этмоқда.

The Washington Post манбалари шунингдек, Суриянинг келажаги учун хавотир билдириб, мамлакат “хаосга ғарқ бўлиши” мумкинлиги ҳақида фикр билдирган.

• БАА
• Iordaniya
• Misr
• Саудия Арабистони
• Suriya
• Tartibsizlik