Эрон пойтахти Теҳронда ер йилига 30 сантиметргача чўкиб бормоқда. Бу ҳолат асосан ерости сувларининг ортиқча олиб чиқилиши, қурғоқчилик ва аҳолининг кескин кўпайиши билан боғлиқ. Ернинг бундай чўкиши нафақат шаҳар инфратузилмасини вайрон қилмоқда, балки аҳолининг кундалик ҳаёти ва хавфсизлигига ҳам жиддий таҳдид солмоқда.

Президент Масъуд Пезешкиён бу ҳолатни жиддий муаммо сифатида баҳолаб, Теҳронда яшаш тобора қийинлашиб бораётганини таъкидлади. Унинг айтишича, сув инқирози ва ер чўкиши сабабли пойтахтни Форс кўрфази соҳилига — Дубайнинг қаршисида жойлашган ҳудудга кўчириш масаласи кўриб чиқиляпти.

Ушбу таклиф иқтисодий, экологик ва стратегик сабабларга асосланган. Янги пойтахт сув манбаларига яқин, савдо ва транспорт имкониятлари кенгроқ бўлган ҳудудда жойлашиши кутилмоқда.

• Eron
• Tehron