Reuters агентлигига кўра, Сурияда Башар Асад режими 2019–2021 йиллар оралиғида ўн минглаб жасадлар сақланган оммавий қабрларни махфий равишда кўчирган. Бу амалиёт режим жиноятларини яшириш мақсадида амалга оширилган.

Оммавий қабристон Дамашқ яқинидаги Ал-Қутайфада жойлашган бўлиб, у ерда 2012 йилдан бери қамоқхоналар ва ҳарбий госпиталларда вафот этган маҳбуслар ва аскарлар дафн этилган. Кейинчалик жасадлар Думейр шаҳри яқинидаги чўлга кўчирилган. Sputnik суратларида у ерда 34 та траншея аниқланган.

Собиқ ҳарбийлар ва ҳайдовчиларнинг сўзларига кўра, мақсад — қабрларни тозалаш ва далилларни йўқ қилиш бўлган. Инсон ҳуқуқи ташкилотларига кўра, Асад режими даврида 160 мингдан ортиқ киши бедарак йўқолган.

Маълумот учун, 2024 йил 8 декабрда Асад режими қулади. У ва оиласи эса Россияда сиёсий бошпана топди. Аввалроқ Асадлар оиласи “Москва сити”да яшаётгани ва Башар Асад видеоўйинларга муккасидан кетган ҳақида хабар берилган эди.

• Россия
• Suriya