Ўзбекистон Республикаси Ташқи ишлар вазирлиги Таиланд ва Камбоджа ўртасидаги чегарада юз берган қуролли тўқнашув сабабли, ушбу ҳудудда бўлиб турган Ўзбекистон фуқароларини чегарадош ҳудудларга сафар қилмасликка ва расмий хабарларни кузатиб боришга чақирди.

Шунингдек хабарда Ўзбекистоннинг Бангкокдаги Бош консулхонаси ҳозирда Таиланд ва Камбоджада истиқомат қилаётган Ўзбекистон фуқаролари орасида жабрланганлар мавжуд эмаслигини аниқлаган. Таиланд пойтахти ва туризм марказларида вазият барқарор бўлиб, хорижий сайёҳлар учун хавф-хатар мавжуд эмаслиги маълум қилинган.

Агарда фавқулодда вазиятлар содир бўлса, ушбу консулхонага (+66-2) 675-3995 ёки (+66-2) 675-3996 рақамлари орқали мурожаат қилиш сўралган.

• ТИВ
• Tailand