Велоспортнинг шоссе тури бўйича “Оқтош-Чорбоғ Моунтаин” халқаро мусобақаси ўтказилиши муносабати билан жорий йилнинг 10-11-13-14 май кунлари соат 08:00 дан 17:00 га қадар Тошкент вилоятининг Бўстонлиқ ва Юқори Чирчиқ туманларидан ўтган автомобиль йўллари вақтинчалик ёпилади.

Маълум бўлишича, 4 кун давомида қуйидаги ҳудудларда транспорт воситалари ҳаракати тўлиқ чекланади:

– 10 май куни Бўстонлиқ тумани ҳудудидан ўтган 4П10 “Чорбоғ сув омбори ҳалқа йўли” автомобиль йўлининг 80-70 километри (Чорбоғ сув омбори кўприги) оралиғида;

– 11 май куни Бўстонлиқ туманига олиб борувчи 4П12 «Бектемир-Чорбоғ қўрғони” автомобиль йўлининг 54-километридан (Ғазалкент шаҳрига кириш) 75-километригача (“Бочка” овқатланиш жойлари) бўлган йўл, 4П6 “Тошкент.ш – Чирчиқ.ш – Чимён” автомобиль йўлининг 52-километридан (Ғазалкент футбол ўйингоҳи) 56-километр (Главасой қишлоғига чиқиш жойи) оралиқлари, шунингдек, 4П10 “Чорбоғ сув омбори ҳалқа йўли” автомобиль йўлининг 80–82-километр оралиқлари (Чорбоғ сув омбори кўприги ва “эски бочка” оралиқлари);

– 13 май Бўстонлиқ туманига олиб борувчи 4П12 «Бектемир-Чорбоғ қўрғони” автомобиль йўлининг 34-километридан (Чирчиқ шаҳрига кириш кўприги) 54-километрига (Ғазалкент шаҳрига кириш) қадар;

– 14 май Бўстонлиқ туманига олиб борувчи 4П12 «Бектемир-Чорбоғ қўрғони” автомобиль йўлининг 17-километридан (Янги Ўзбекистон боғи атрофи) 75-километригача (“Бочка” овқатланиш жойлари) бўлган йўл, 4П6 “Тошкент.ш – Чирчиқ.ш – Чимён” автомобиль йўлининг 56-километридан (Главасой қишлоғига чиқиш жойи) 72-километригача (Амирсой дам олиш маскани) бўлган йўл оралиқлари, шунингдек, 4П10 “Чорбоғ сув омбори ҳалқа йўли” автомобиль йўлининг 80-82-километр оралиқлари (Чорбоғ сув омбори кўприги ва “эски бочка” оралиқлари)да транспорт воситалари ҳаракати тўлиқ чекланади.

• Toshkent viloyati
• Велоспорт
• Yo'llar