Яшнобод туманида мажбурий бадал учун тўланган маблағларни ўзлаштирган МЧЖ аниқланди. Бу ҳақда Иқтисодий жиноятларга қарши курашиш департаменти хабар берди.

Қайд этилишича, Департаментнинг Яшнобод туман бўлими томонидан терговга қадар текширув ўтказилган. Унда “K.T.” МЧЖ масъул шахслари 2022 йил ва 2023 йилнинг июль ойига қадар Тузель даҳасидаги кўп хонадонли уйларнинг мулкдорлари томонидан мажбурий бадал учун тўланган маблағларни ўзлаштирган.

Яъни, 184 млн сўмини иш ҳақи сифатида ва 974,7 млн сўмини турли товар моддий бойликлар хариди учун сарфланганлиги ҳақида сохта ҳужжатларни расмийлаштирган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-тaрож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

• Жиноят
• Soxta hujjat