Тошкент шаҳар адлия бошқармаси (собиқ Адлия вазирлиги ҳузуридаги Давлат хизматлари агентлигининг Тошкент шаҳар бошқармаси) собиқ мансабдор шахслари томонидан давлат хизматларини кўрсатишда юридик ва жисмоний шахслардан ортиқча ёки хатолик туфайли икки маротаба тўланган 864 млн сўмлик бюджет маблағларининг талон-торож қилинганлиги аниқланган.

Шунингдек, Коррупцияга қарши курашиш агентлиги ва Давлат хавфсизлик хизмати органлари билан ҳамкорликда ўтказилган ўрганишда давлат хизматларидан келиб тушган маблағларнинг бюджетга ва бошқа вазирлик, идораларнинг бюджетдан ташқари жамғармаларига нотўғри тақсимлангани аниқланган.

Маълум қилинишича, мазкур ҳолат бўйича тўпланган ҳужжатлар прокуратура органларига юборилган.

• Адлия
• Аксилкоррупция
• Талон-тарож