Тошкент шаҳрининг Мирзо Улуғбек туманида иссиқ сув таъминотида вақтинчалик узилишлар кузатилади. Бу ҳақда туман ҳокимлигининг матбуот хизмати хабар берди.

Қайд этилишича, иссиқлик қувурларини юқори босим остида синаш ишларини бажариш учун 1-ИМ қозонхонаси ҳудудида бугун, 12 август куни соат 10:00 дан 20:00 гача қуйидаги манзилларда иссиқ сув таъминотида вақтинча узилишлар кузатилади.

Яланғоч мавзеси, Мўминова, Ж.Обидов, БИЙ, М.Улуғбек, Сайрам, Қаландар, БУЗ-1, Гулбадамбегим, Музработ, Неъмат, Навниҳол-3, Шахриобод, Олимлар, Қоракўл, Зиёлилар, Дўрмон йўли, Мағрур, М.Юсуф, М.Исмоилий, Тамарахоним, Мустақиллик шох, Паркент, Оққўрғон кўчалари, Ирригатор мавзеси, Оққорғон 1 ва 6-тор кўчалари, Катта Дархон кўчаси, Қорабулоқ кўчаси, Салар бўйи кўчаси, БУЗ-7 мавзеси, Чуст кўчаси, Осиё кўчаси, Олчабоғ, Қибрай, Мирхосилбой кўчалари.

Шунингдек, “Веолиа Energy Tashkent” МЧЖ ХК вақтинчалик ноқулайликлар учун олдиндан узр сўради ва ўз томонидан иссиқ сув таъминотини тезроқ қайта тиклаш бўйича зарур чораларни кўришини маълум қилди.

• Suv ta’minoti
• Тошкент