АҚШ президенти Олий суд ноқонуний деб топган божлар ўрнига 150 кун муддатга амал қиладиган 10 фоизлик глобал тариф жорий этилишини маълум қилди. Трампнинг айтишича, янги фармон 1974 йилда қабул қилинган Савдо тўғрисидаги қонунга асосланади ва ҳозирда амал қилаётган тарифларга қўшимча равишда қўлланилади.

“Оқ уй Овал кабинетидан туриб бутун дунё мамлакатларига нисбатан деярли дарҳол кучга кирадиган 10 фоизлик глобал савдо божларини имзолаш мен учун катта шараф”, — деб ёзди у ўзининг Truth Social ижтимоий тармоғида.

1974 йилда қабул қилинган Савдо тўғрисидаги қонун президентга тўлов баланси билан боғлиқ “йирик ва жиддий” муаммолар мавжуд бўлганда исталган давлатларга нисбатан 150 кунгача бўлган муддатда 15 фоизгача бож жорий этиш ҳуқуқини беради. Қонун тергов ўтказишни талаб қилмайди ва бошқа процессуал чекловларни назарда тутмайди.

• Davlat boji
• Дунё
• Трамп